 |
|
|
Ciao Amore
Dimme A Ddhu Stae
Now Is The Time
Giungla
Strade Rosse
Acqua Pe Sta Terra
Sciamu A Ballare | Bomba Innescata
Jah Jah Is Calling
Tocca Lu Cielu
Amore E Odiu
Filu Te Ientu
Ne Te Fa Futtere
Reggae Calypso |
| » Ciao amore « |
Fernando Blasi, Miglietta Fabio e Federico Vaglio
Fer ver: Ciao amore scriu cu sacciu comu stai
ae tantu tiempu ca nu stringu le mani toi
lu tiempu passa ma ieu nu me abituuo mai mai
me portu intru li coluri e li sapori toi
salutame lu mare tilli c'aggiu turnare
percè aggiu costruire nu nidu pe nui doi
sai amore quai ce friddu sentu la notte
pe unu ca ria te drha basciu anui
ma poi lu giurnu se lavora forte
ma nu me sciaccu perce penzu a tie
salutame lu ientu tilli c ape tie cantu
se passa te qua mera me porta a basciu atie
Fab ver: ca quista è la storia te ci lassa la terra e la casa soa
la famiglia cu li piccinni pe na speranza ca ole troa
affronta na realtà ca a fiate per muti risulta noa
e su nu fogliu bagnatu te chianti iddru scrie alla fimmena soa
quistu ete lu besegnu ca muti costringe a partire
lassandu tuttu quiddru ca a cui è taccatu cullu core
comu l'amore lu mare lu sule te po' parire picca ma è l uri cordu ca ne sale ogne fiata
Fer rit: salutame lu mare tilli c'aggiu turnare
percè aggiu costruire nu nidu pe nui doi
Fed ver: ci ha cresciutu annanti a mare la ndore mai se ne scerra
ci ene te la campagna sape li sapori bueni te la terra
ca qundu se ne llontana lu ricordu sempre li torna
perché lu postu te du ieni intra la vita toa te segna
cussi comu l'amore segna lu core te ci se ama
tantu forte quantu laluce te lu sule te la matina
ca nu ne pueti fare a menu perché ete iddrha sempre la prima
ca te tae la forza cu se camina
Fer rit: salutame lu ientu tilli c ape tie cantu
se passa te qua mera me porta a basciu atie |
| » Dimme a ddhu stae « |
Maglietta Fabio, Federico Vaglio e Fernando blasi
Fab rit: Dimme a ddhu stae giustizia oce nu nci nnae
Dimme a ddhu stae giustizia oce nu nci nnae
Fab ver: c'ète ancora ci chiange ci ha persu ci spetta li diritti soi
percè iddrhu ete la vittima ca paga li sbagli te la società te moi
iddra specula ogni giurnu te sempre illude sta gente quai
percè sai se nu ncè poveri nu ncè mancu la gente ca bu serve a bui
Fed ver: giustizia vera non c'è né o te la compri senò peggio per tè
intanto loro tengono l'immunità chi stà al potere le leggi per se si fa
ma quiddru ca è giustu ete giustu pe tutti sia ca suntu poveri o ca su ricchi
se è veru ca tenimu li stessi diritti puru tie politicu ha pagare se futti
Fer ver: timme cebb'ete ca opprime tutti e nu cangia mai
potere guerre business degli ignoranti suntu avvoltoi
cu voli oscuri e minacciosi intra l'aria ne stà leanu lu sule
sciamu moi ieni a quai puru tie insieme a nui perche limu bruciare
Fab rit: Dimme a ddhu stae giustizia oce nu nci nnae
Dimme a ddhu stae giustizia oce nu nci nnae
Fab: ca nciole chiu case pe ci nu tene tettu
ciole chiu cura per li barboni senza liettu
quistu è dedicatu a ci sta vita nu sa sceltu
ma nci se troa intru cussi te quando ha natu
ciole chiu attenzione per lu vagnone ca sta crisce
la repressione sai canu lu istruisce
serve chiu rispettu per ci stae disperatu
nu serve la galera per ci è senza reatu
Ric: timme a ci ete caggiu critere
quando ddrha gente nu riesce mancu a bitere la verità
timme percene ieu aggiu critere
a ddra gente ca stae ddrai sulu pe futtere
troppa te ticu troppa differenza
tra la gente ricca e povera
troppu lu troppu stroppia e crea delinquenza
ntrà le strate te la società
Fern: ci vive in miseria sci spiccia in galera
ci tene li sordi nu la ite mai
e face le leggi pe li amici soi
corrotti corrompenu sta società
ma timme a ddhu stae ca ieu nu ne iciu chiui
eppuru guardu lontanu a nnanzi cu l'ecchi mei
timme a ddhu stae ca ieu nu ne iciu chiui
iciu gente ca soffre sulamente
Fab rit: Dimme a ddhu stae giustizia oce nu nci nnae
Dimme a ddhu stae giustizia oce nu nci nnae
Fab rit: Dimme a ddhu stae giustizia oce nu nci nnae
Dimme a ddhu stae giustizia oce nu nci nnae
Dimme a ddhu stae giustizia oce nu nci nnae
Dimme a ddhu stae giustizia oce nu nci nnae |
| » Now is the time « |
(feat. Luciano)
Miglietta Fabio, Federico Vaglio e Fernando Blasi
Intra stu mundu te oce quiddru ca se produce
è fattu cu lu criteriu te ci li sordi tocca se face
criciu intra la scienza ma no a ci decide
comu sa' busare comu se na' servire
troppa violenza se face versu la terra e' quiddru cancete
nu nce rispettu pe niente chiui l'indifferenza e quiddra ca cite
quiddru ca sempre pensu ca in tuttu l'equlibriu ciole
perche lu troppu stroppia e nu se po' abusare
ce'troppo abusu la terra nu nci la face chiui
ce'troppu abusu fermamulu stu scempiu moi
sientime buenu era meiu cu osservami le opere te la natura
e cu saggiamu lu sapore buenu te lu ritmu sou
ma sta mentalita' moderna globalizza e sta disintegra
tuttu quiddru ca cerca crisce attornu a nui
comu se face simu troppi chini te voracita'
l'occidente ormai mangia troppu per quistu n'cete poverta'. |
| » Giungla « |
Miglietta Fabio e Federico Vaglio
Be mo timme a du ete ca riamu ntra la situazione ca stamu
Lu poveru e' sempre poveru pe iddrhu niente ancora a cangiatu
Anzi e' ancora chiu' disperatu nu pocu ancora chiu delusu
Lu prezzu te la vita a ncarutu e quiddrhu ca tene nu li e d'aiutu
Garanzie no nu nci nnae pe ci subbra nu porta pezze
Pe ci te la vita ha ricevutu sulu scaffe e none carezze
Tocca percorre a sulu strate chine te incertezze
Quiddre ca tie li tai quiddre a du e meiu cu nu nci ai ma
Quistu nu be' giustu alli tiempi nesci t'evoluzione
A du tanti sordi se spennenu per lu progressu te na nazione
A du tanti auri se ne spennenu puru pe l'innovazione
Quella che serve a pochi per altri e' solo una visione
RIT Babilonia e comu na giungla l'uomu subbra l'uomu cerca domina
Babilonia e' comu na giungla selvaggia e piena di malvagita'
ci nu tene risorse te quistu nu se preoccupa
è n'auru lu problema ca la capu li occupa
e' lu pensieru fissu te comu ha fare cu besse te l'oscurita'e cu se cigna risvegliare
te intra nu sognu te societa' ideale
ca te usa comu pedina e ca te tice a du a stare
ca te sempre te illude facendoti ammirare
le bellezze te la vita a cui lu poveru nu po' riare
e allora nu ci critere nu te fare illudere
se oce nu be possibile crai ntorna se cigna a vivere
intra de tie a critere la forza toa ncia' mintere
lu poveru te lu asciu ntorna moi a risalire seno'
timme adu ete ca riamu ntra la situazione ca stamu
lu poveru e' sempre poveru pe iddrhu niente ancora acangiatu
anzi e' ancora chiu 'disperatu nu pocu ancora chiu' delusu
lu prezzu te la vita a ncarutu e quiddrhu ca tene nu li e' d'aiutu
RIT Babilonia e' comu na giungla l'uomu subbra l'uomu cerca domina
Babilonia e'comu na giungla selvaggia e piena di malvagita'
ci stia bona la gente la sai ca mica se lamenta'
se scende in piazza e'per ribadire le proprie necessita'
se te guardi a mpauta te rendi contu ca qualche cosa te manca
perche' te ci face falsi bilanci ormai la gente e' stracca
la gente e' stracca e nu ne pote chiu subire
abusi ca te mintenu alle corde e in poverta' te fannu stare
te sempre te illudenu facendoti ammirare
le bellezze te la vita a cui nu poveru nu po' riare
e allora nu ci critere nu te fare illudere
se oce nu be possibile crai ntorna se cigna a vivere
intra de tie a critere la forza toa ncia' mintere
lu poveru te lu asciu ntorna moi a risalire seno'
timme adu ete ca riamu ntra la situazione ca stamu
lu poveru e' sempre poveru pe iddrhu niente ancora acangiatu
anzi e' ancora chiu 'disperatu nu pocu ancora chiu' delusu
lu prezzu te la vita a ncarutu e quiddrhu ca tene nu li e' d'aiutu
RIT babilonia e' comu na giungla l'uomu subbra l'uomu cerca domina
babilonia e'comu na giungla selvaggia e pina di malvagita' |
| » Strade rosse « |
Blasi Fernando, Maglietta Fabio e Vaglio Federico
Fern: Cammino per queste strade piene di sole
niente asfalto solo terra rossa intorno a me
è un deserto ma a volte nasce un fiore
questo tu sei per mè
Fab: Lu core miu nu bè chiui aridu te amore
anzi la sai neè chinu cu pozza ndaquare stu fiuru
tie ca riesci cu colori stu sciardinu
sarebbe opacu senza de tie intra stu camminu
Fede: niente po fermare stu core cu batte forte
cu scarfa comu lu sule ogne giurnusulu per tie
tie nu te mpaurare se a ddrha fore nu ncè amore
e ceddrhi tae calore a ci tene attornunci su ieu per tie
ca su sempre prontu cu affrontu
quiddra ca è la reltà intra la vita ca tegnu insieme a tie
percè tuttu quiddrhu ca oiu
ete quiddrhu ca ogne notte me sognu ca sinti tie
Fern: tu sei la luna di notte
tu sei il mio cuore che batte
lassu una stella sta cadendo perché
il cielo piange se tu non stai con me
Fede: se tie me chiedi amore ieu te tau tuttu quantu
quiddrhu ca tegnu te intra
se tie tieni besegnu sai ca suntu sempre prontu
percè ete quiddrhu ca sentu
Fab: beddra cu tie sai ca oiu passu mutu tiempu
st'amore nu bèn a carta c aula allu ientu
te la vita noscia aha bessere lu primu elementu
ne rende uniti e ne tae forza intra lu tiempu
lu core miu nnu bè chiui aridu te amore
la sai ca ormai ne è chinu cu pozza ndaquà stu fiure
tie ca riesci cu colori stu ciardinu
sarebbe opacu senza de tie intra stu ciardinu
Fern: tra poco nasce il sole e brucierà
mare azzurro e solo terra rossa intorno a me
è un deserto ma a volte nasce un fiore
questo tu sei per me
Fab: te lu core miu beddrha sai tie tieni le chiai
teneru e duce ete l'amore ca me tai
ogne malessere si tie ca me lu liei
sinti la calma intra li pensieri mei
Fede: niente po fermare stu core cu batte forte
cu scarfa comu lu sule ogne giurnusulu per tie
tie nu te mpaurare se a ddrha fore nu ncè amore
e ceddrhi tae calore a ci tene attornunci su ieu per tie
ca su sempre prontu cu affrontu
quiddra ca è la reltà intra la vita ca tegnu insieme a tie
percè tuttu quiddrhu ca oiu
ete quiddrhu ca ogne notte me sognu ca sinti tie
Fern: Cammino per queste strade piene di sole
niente asfalto solo terra rossa intorno a me
è un deserto ma a volte nasce un fiore
questo tu sei per mè
beddra cu tie oiu stau beddra cu tie oiu stau
quiddru ca me chiedi te tau
quiddru ca me chiedi te tau quiddrhu ca me chiedi te tau
percè cu tie oiu sta |
| » Acqua pe sta terra « |
(feat. Chico)
Miglietta Fabio Federico, Vaglio e Fernando Blasi
RIT: Stu ritmu e’acqua pe sta’ terra
la rende fertile e face cu germoglia
te tanti anni lu seme te la musica
ca a quai a pijatu e de chiui sempre se radica
Stu ritmu e’acqua pe sta’ terra
la rende fertile e face cu germoglia
te tanti anni lu seme te la musica
ca a quai a pijatu e de chiui sempre se radica
FAB: Stae alle radici te sta terra comu na storia antica
cu allevia le sofferenze la musica serve ancora
comu na pizzicata te li cantanti te na fiata
moi nui cu nauru ritmu ma cu la stessa parola
sai ca quista e’ l’ambizione realtà pe stu vagnone
la musica me istruisce pe la vita e’ na lezione
le tice fiacche e bone la sai can u se tene
sta musica e’ la coscienza te ci ene cu se esprime
RIT: Stu ritmu e’acqua pe sta’ terra
la rende fertile e face cu germoglia
te tanti anni lu seme te la musica
ca a quai a pijatu e de chiui sempre se radica
Stu ritmu e’acqua pe sta’ terra
la rende fertile e face cu germoglia
te tanti anni lu seme te la musica
ca a quai a pijatu e de chiui sempre se radica
FED: selvaggiu ete lu stile ca li sound boy amanu
Selvaggiu ritmu pe li dj ca mpunnanu
Selvaggiu suonu pe le fimmene ca zumpanu
Intra la danza tutti quistu olenu
Selvaggiu lu stile meiu quiddrhu ca oiu
Perche sulu cussi se libera lu dj quannu punna selvaggiu
Ma cu nu messaggiu ancora chiu’ saggiu
Te ci stae allu controllu e usa sempre l’imbrogliu
Ma quannu zumpamu ballamu nu ne cumannanu
Quannu punnamu bruciamu iddrhi ca ne ingannanu
Quista e’ la musica te li dj ca nu se mennenu
Perche sulu cussi selvaggi sentimu liberu l’animu
FER: te acqua nu nci nae muta ma basta na goccia
Ca scava la roccia e lassa na traccia
Comu na rima paccia ca te dduma la miccia
E nu sorrisu brilla e me se illumina a nfaccia
te acqua nu nci nae muta e c’è tanta siccità
ca crea tanta povertà percè quista è la realtà
ci se sbatte e face buenu ci crea malvagità
ma ci sienti stu messaggiu te sicuru qualche cosa cambierà
FAB: Sai ca sta musica porta notizia ci nae sempre una frisca
Comu ieu intra stu casu suntu ieu lu giornalista
Ha turnatu lu sud sound system cu nauru ritmu spaccapista
Su nvitati vagnuni e vagnone tutti culla capu frisca
FED: selvaggiu ete lu stile ca li sound boy amanu
Selvaggiu ritmu pe li dj ca mpunnanu
Selvaggiu suonu pe le fimmene ca zumpanu
Intra la danza tutti quistu olenu
RIT: Stu ritmu e’acqua pe sta’ terra
la rende fertile e face cu germoglia
te tanti anni lu seme te la musica
ca a quai a pijatu e de chiui sempre se radica |
| » Scià ballamu « |
Maglietta Fabio, Vaglio Federico e Fernndo Blasi
Rit
beddrha preparate stasira pe la festa
ne sciamu a ballare annanti a mare
c'è gli amici cu le amiche anu de pressa
nu li facimu spettare ca a ddrhai amu scir
Fabio
ca sulla litoranea c'ète già casinu
tocca cu riamu mprima cu nu ne imbottigliamu
cussi ca mancu nu menutu ne li perdimu
stai bona dai camina mena scià ballamu
eccebète oimmena quanta gente
tutti pijati bueni te stu ritmu avvolgente
sienti cè bellu discu ca lu selecta sta minte
sienti cè bella ndore ca intra l'aria se sente
e quistu è sulu l'iniziu te stà grande serata
la parte chiù bella mica ncora a riata
a bbitere quandu tutti li cantanti se cucchianu
e unu dopu l'auru sullu microfono cantanu
RIT
fatte beddrha pe sta sira cè na festa
ne scuamu a ballare a innanzi a mare
c'ète musica dal vivu a sulla spiaggia
spettamu lu sule ca te ddrhai a riare
Marina
spettu finu a quando sentu ca lu ritmu è giustu
nu riescu cu me tegnu cu melodie tocca cumpangnu
stu tiempu ca nu me cuttentu sulu ballu
quiddrhu riestu ca me chiama ogne fiata cu mpunnu
senza nci penzu ddo fiate me vvicinu allu selecta
ncora chiù preciata quannu la gente me sta spetta
ncè nu motivu ci lassu tuttu pe sta danza
quista ae alla gente cauta ca ne tae ancora chiù forza
moi moi gira stù discu ca ieu nun ci spettu cchiui
moi tamme ritmu ca mpoggia li pensieri mei
moi moi ogghiu cantu percè me stà presciu
lu core miu è cautu e pe bui stà pigghia fuecu
Nando
lu suonu mo intra l'aria tae sapore te festa
la gente lu stà cerca cussi cu se ddefrisca
e nu stà biciu l'ura ccantu quiddrhu ca penzu
basta te quardi ntornu e sai quiddrhu ca sentu
ci canta e ci balla suntu na cosa sula
è meiu stai cu mie e nu te sienti chiù sula
lu giurnu me distrugge ma la notte consola
percene culla musica è na cosa sula
se moi tie ai te pressa stù ritmu te rilassa
se mo nu tieni voglia sta danza te risveglia
se nu la canuscivi mo nu la puei lassare
stà ria te lu Salentu ma rimane inta lucore
Rit.
Rico
sciamune,sciamune beddrha maniciate
mena moi iestite,c'è buei tie mintite,
tantu me piaci sempre e comunque,
sì sempre bella quando sì semplice
hoimmena c'è sì beddra stasira
sinti propiu na luce ntra l'aria
ae chiu te n'ura ca te sta spettu
n'amu fumatu già quasi tuttu
poi nu me dire ca te sta scattu
ca imme scire ieu te lia dittu
ca stau de sciana stasera
oiu sentu musica 'ntra l'aria
oiu bà mpunnu a cu fazzu casinu
selecta gira lu discu ca a quai ni dirtimu
ncete li dj pronti unu pe dunu
cussi culla gente ne unimu
Rit. |
| » Bomba innescata « |
Miglietta Fabio e Vaglio Federico
Oce nu ncè pace chiui nu c'è tranquillità
lu munnu me pare na bonba innescata
oce nu ncè pace chiui nu ncè tranquillità
l'uomu sfrutta le cose dandu sfogu all'avidità
se nu ncè pace chiui mancu tranquillità
la terra ete fertile te lu sangu te ci lotta
oce nu ncè pace chiui nu ncè tranquillità
nu ncè tranquillità la sai
timme quanti suntu li popoli sfruttati
quanti impoveriti e quanti abbandonati
timme quanti suntu oce li soldati
ca combattenu na guerra a cui nu suntu interessati
curpa te lu potere e de la fame soa ossessiva
ca troa intra lu disperatu n'energia alternativa
te cui se po' cibare finche nu be esaurita
ca quando ormai ha finita la sai ca nu ncè chiu vita
ca quista è la politica ca adottanu
cu la forza te li sordi te confondenu
la strategia dell'odiu iddrhi te inculcanu
ete per quistu ca tanti frati ancora oce se combattenu
intra na terra a du nu ncè pace
timme la gente cu campa comu face
intra na terra a du nu ncè pace
a su drhe terre a dhu nu ncè pace
timme comu criscenu li piccinni oce
intra na guerra nu ncè vinti ne vincitori
perché gli uomini ca morenu su tutti uguali
sia ca suntu guerrieri o militari
stesse lacrime versanu li familiari
ca ci nu tieni pace la sai ca nu puei vivere buenu
se nu tieni amore la sai ca fiate mancu ne pueti tare
se nu tieni libertà la sai ca prima o poi te la turare
se nu tieni tuttu quistu intra sta società ce a fare
timme quanti suntu li popoli ingannati
quanti impoveriti e quanti emarginati
timme quanti te l'orgogliu loru privati
reclusi intra nu ghettu alla sfortuna abbandonati
curpa te lu potere e de la fame soa ossessiva
ca troa intra lu disperatu n'energia alternativa
te cui se po' cibare finche nu be esaurita
ca quando ormai ha finita la sai ca nu ncè chiu vita
ca quista è la politica ca adottanu
cu la forza te li sordi te confondenu
la strategia dell'odiu iddrhi te inculcanu
ete per quistu ca tanti frati intra lu munnu se combattenu
Oce nu ncè pace chiui nu c'è tranquillità
lu munnu me pare na bonba innescata
oce nu ncè pace chiui nu ncè tranquillità
l'uomu sfrutta le cose dandu sfogu all'avidità
se nu ncè pace chiui mancu tranquillità
la terra ete fertile te lu sangu te ci lotta
oce nu ncè pace chiui nu ncè tranquillità
nu ncè tranquillità la sai
la violenza ca intra stu munnu sempre impera
rigenera lu rancore e l'odiu ancora
puru intra li piccinni ca ormai su senza paura
cu impugnanu n'arma a manu e cu se spara
ca su na terra a du nu ncè pace timme la gente se po' bessere felice
ca su dre terre adu nu ncè pace timme comu criscenu li piccinni oce |
| » Jah Jah is calling « |
(feat. Anthony Johnson)
Federico Vaglio e Fernando Blasi
Fede: ieu stau sempre cu me chiedu ci suntu e a ddhu sta bau
ogne giurnu sù curiosu de la vita comu a nu striu
meravigliosu è lu munnu su cui stau
armonia trou perchè a tuttu valore ni tau
chiama ogne Diu,chiama comu uei tie Diu
chiama lu Diu tou ca de sicuru ete lu miu
chiama ogne Diu tantu c'è nu sulu Diu
intra lu core miu comu intra lu core tou
Nando: ca se sta sienti intra de tie ca nc'è na musica
ca sona pare l'anima ca chiama nu la iti nu la tuecchi
ma la sienti moi intra la sienti
nu bèn u simbolo o n'oggettu ca divide l'unu o l'autru
ete lu fuecu ca tenimu de du tutti quanti riamu
e lu sta sienti intra lu sienti
quistu me libera la via ebbete quai ca ni ncuntramu nui
cu ni spartimu c'è tenimu
perché quistu ete lu ritmu |
| » Tocca lu cielu « |
Miglietta Fabio Fernando Blasi e Federico Vaglio
Se siti pronti sta festa mo ncignamu
pe ci ama sta musica sai ca quistu è lu richiamu
masculi e fimmene cussi quannu ni truamu
te du eniti eniti mo camenati ca bruciamu cussi
tocca lu cielu tocca lu cielu tocca lu cielu
moi a quai cu ddo manu
tocca lu cielu tocca lu cielu tocca lu cielu
ca cussi ne li sciamu
tocca lu cielu tocca lu cielu tocca lu cielu
culla capu e lu core
tocca lu cielu tocca lu cielu tocca lu cielu
se tie provi piacere
se lu ritmu te pija te intra lu core nu la rifiutare tocca lu cielu
se sienti ca porta na forte emozione nu la rifiutare tocca lu cielu
intra la capu intra lu core cussi ntra la vita tocca lu cielu
sulla cassa li bassi li medio eli alti mo cigna a zumpare tocca lu cielu
ca duma le stelle comu nu lampadariu
ca duma la notte e biciu tuttu chiù chiaru
stà rianu le tre esse lu fuecu mo stà besse
purtamu sempre fuecu ca brucià le cose fause
quista è la situazione stà brucia ogne nazione
almenu ci essa pace a qua mienzu ogne vagnone
stu ritmu lontanu leggeru te porta ausa nna manu all'aria
Se siti pronti sta festa mo ncignamu
pe ci ama sta musica sai ca quistu è lu richiamu
masculi e fimmene cussi quannu ni truamu
te du eniti eniti mo camenati ca bruciamu cussi
toccalu moi toccalu lu cielu moi a quai toccalu
lu ritmu a quai pijalu lu suonu moi a quai sientilu
ca te face liberu intra lu core intra lu spiritu
intra la capu e lu pensieru ntra lu corpu e tuttu l'animu
chiappalu moi ziccalu la vita è comu n'attimu
lu tiempu tou nu perderlu lu core tou nu chiuderlu
l'amore sempre mintilu in tuttu sempre cercalu
stu momentu vivilu insieme a nui lu cielu moi a quai toccalu
ca mo ntorna sta ria n'ondata te cautu te la terra mia
naura fiata naura botta te gioia
nauru motivu ca invoglia ci te casa sta ria
naura fiata testa musica tegnu voglia
intra la capu tegnu pronta mo per bui na melodia
ancora n'aura pronta moi a quai cu pija
ci ha bbenutu cu balla e cu cerca armonia
azza ddo manu tocca lu cielu
mo ntra sta notte chiù stelle ddumamu
a su stu ritmu tocca lu cielu
anima e ritmu insieme mescamu
tocca lu cielu tocca lu cielu tocca lu cielu
ca cussi ne li sciamu
tocca lu cielu tocca lu cielu tocca lu cielu
culla capu e lu core
tocca lu cielu tocca lu cielu tocca lu cielu
se tie provi piacere
quandu la musica colpisce nu te face male
nu la rifiutare tocca lu cielu
se pienzi ca serve cu porta lu preciu
nu la rifiutare tocca lu cielu
sulla cassa li bassi li medio e li alti
mo cigna a zzumpare tocca lu cielu
finche lu sule nu besse ddrha retu lu mare
mo ta recurdare tocca lu cielu
Se siti pronti sta festa mo ncignamu
pe ci ama sta musica sai ca quistu è lu richiamu
masculi e fimmene cussi quannu ni truamu
te du eniti eniti mo camenati ca bruciamu cussi
Se siti pronti sta festa mo ncignamu
pe ci ama sta musica sai ca quistu è lu richiamu
masculi e fimmene cussi quannu ni truamu
te du eniti eniti mo camenati ca bruciamu cussi |
| » Amore e odiu « |
Miglietta Fabio e Federico Vaglio
Amore e odiu nu ponnu essere amici sai ne moi e ne mai
Amore e odiu nu ponnu scire daccordu mai
RIT: Se spingi l'odiu tie la sai cussi nu costruisci mai
te cate tuttu quantu a nnanzi a l'ecchi toi
se spingi l'odiu tie la sai amore nu ne ricevi mai
e poi nu chiangere se quiddrhu ca i ulutu nu tieni moi
FED: Dare amore è chiù difficile ca odiare
percè culla capu ta sforzare sempre te capire
ci è diversu o ci diversu pensare
o ci lu diversu nu lu sape tollerare
l'àmore è meiu cu se tae senza cu sai
ci ete ca lu merita o ci lu po' ricevere
perche l'amore insieme a l'auri te face stare
mentre l'odiu a sulu te face vivere capiscime
la religione nu ha dividere ne moi e ne mai
ne la politica na mintere contro a nui
le ideologie estreme portanu sempre guai
la ragionevolezza è quiddrha ca ne salva sai
FAB: l'odiu nu ne tae futuru iddrhu ne lassa allu scuru
Iddrhu lu core te lea la precedenza ete soa
Cussì nu guardi mancu chiui
A facce la gente toa
Amore e odiu nu ponnu essere amici sai ne moi e ne mai
Amore e odiu nu ponnu scire daccordu mai
L'0diu inaridisce l'anima l'amore te la inche
Amare è nu piacere mentre odiare è deludente
Nu te rimane mai nienti te li fiacchi sentimenti
Nu suntu iddrhi ca ne fannu scire a nnanti
Meiu l'amore comu condizione mentale
Te face senza paura e te rende vitale
Intra lu mundu te oce iddrhu po salvare
Tutta la gente dallu dolore e dallu male
RIT: Se spingi l'odiu tie la sai cussi nu costruisci mai
te cate tuttu quantu a nnanzi a l'ecchi toi
se spingi l'odiu tie la sai amore nu ne ricevi mai
e poi nu chiangere se quiddrhu ca i ulutu
FED: Dare amore è chiù difficile ca odiare
percè culla capu ta sforzare sempre te capire
ci è diversu o ci diversu pensare
o ci lu diversu nu lu sape tollerare
l'àmore è meiu cu se tae senza cu sai
ci ete ca lu merita o ci lu po' ricevere
perche l'amore insieme a l'auri te face stare
mentre l'odiu a sulu te face vivere capiscime
la religione nu ha dividere ne moi e ne mai
ne la politica na mintere contro a nui
le ideologie estreme portanu sempre guai
la ragionevolezza è quiddrha ca ne salva sai |
| » Filu te ientu « |
Fernando Blasi e Giovanni Rollo
Lassu perta la porta de casa
giustu passa nu filu de ientu
ca senò me reota lu caudu intra lu liettu.
Ma la luna nu mbole cu dormu
e stau a quai cu spettu lu momentu
e comu ogni notte ncignu 'cantu!
Percè su nu vagnone
ca ole cose bone
intra stu munnu ca nu ne ole chiui
Percè su nu vagnone
ca ole pace e unione
intra stu munnu chinu de guai.
E poi quannu ria la luna
e tie stai insieme a mie
beimu sulu mieru russu ca ne lea le malatie
Percè a fiate puru ieu
sentu chiangere lu cielu
e sta cercu parole
cu nu se sente a sulu.
Lassu perta la porta de casa
giustu passa nu filu de ientu
ca senò me reota lu caudu intra lu liettu.
Ma la luna nu mbole cu dormu
e stau a quai cu spettu lu momentu
e comu ogni notte ncignu 'cantu!
.....E poi quannu ria la luna
e tie stai insieme a mie
ni fumamu la maria ca ne lea le malatie
Percè a fiate puru ieu
au cercannu silenziu
ma stu munnu sta rida
e la notte nu dormu.
Lassu perta la porta de casa
giustu passa nu filu de ientu
ca senò me reota lu caudu intra lu liettu.
Ma la luna nu mbole cu dormu
e stau a quai cu spettu lu momentu
e comu ogni notte ncignu 'cantu!
Della vita nu ne cunti nienzi, nienzi
te sbatti e nci llassi li dienti
ma la vera vita su li sentimenti
Nu serve l'odiu e la violenza
tantu Diu nci penza
ma tegnu la speranza ca me ami tie.
E poi quannu ria la luna
e tie stai insieme a mie
beimu sulu mieru russu ca ne lea le malatie
Percè a fiate puru ieu
sentu chiangere lu cielu
ae ca cercu parole
cu nu se sente a sulu….
Lassu perta la porta de casa
giustu passa nu filu de ientu
ca senò me reota lu caudu intra lu liettu. |
| » Nu te fà futtere « |
(feat. General Levy)
Federico Vaglio.
RIT.
nu te fa futtere
de lu sistema ca è malatu e cerca te corrompe intra lu core,intra la capu
nu te fa futtere
de lu pensieru ca è distortu de ci ole sempre e nu b'è mai soddisfattu
nu nci critere
alle informazioni ca dannu quannu fannu sulu dannu perché tuttu olenu cumannanu
pe futtere
cerca biessi sempre onestu ca la vita te dae gustu se la coscienza tieni appostu
Strofa
avidi,malvagi ed avidi,corrotti viscidi,meschini e perfidi,cussi suntu troppi uomini
ingordi di denaro,ingordi di potere,ingordi di tutto,su miseri ca de l'auri nu se fannu scrupoli
ipocriti,vigliacchi,ipocriti,persone futili,vuote negli animi,ca fannu sulu li fanatici
lassali,te dicu,lassali perdere,lassali,la gente comu a quista è meiu nu la secuti
nu te fa futtere....
Strofa
troppi parlanu buenu ma all'occasione tuttu se futtenu
perché lu sistema è marciu e nu su filu capaci lu cangianu
quannu criscenu e ci trasenu,striscianu e se scerranu c'è beranu
e dientanu fiacchi de intra l'animu
muti se moscianu forti ma in realtà se sulu mpauranu
cu fannu intra la vita loru quiddrhu ca veramente olenu
pensanu a quiddrhu ca l'auri dicenu,facenu,tenenu
ma cu la capu loru mai pensanu,ma tie
nu te fa futtere,no nu nci critere,no nu te mmennere,la vita è toa e te la difendere
a bessere abile nu dentà debole,comunque umile,l'anima toa nu la corrompere |
| » Reggae calypso « |
Federico Vaglio
Rit.
reggae calipso,ieni,ieni,soca calipso,sciamu,sciamu,pizzica calipso,a quai ,taranta calipso
te la dicu ntorna
reggae calipso,ieni,ieni,soca,soca calipso,sciamu,sciamu,raggamuffin calipso,a quai ,tarantapizzica calipso
moi moi,moi moi
Strofa
reggae calipso,soca calipso,ragga calipso,taranta calipso,pizzica calipso
la capu me schizzu a ogne pizzu me mpizzu nu pezzu te fazzu
reggae ragga soca taranta pizzica in calipso
a tutti li pizzi me mpizzu nu pezzu pazzu ieu te fazzu
mpunnu riestu sulla version perché suntu sfocatizzu
e quannu ieu lu fazzu me liberu de ogne pregiudiziu
versu la gente,versu le cose,versu ogne tipu de musica
apprezzu qualsiasi cosa ca me face capire de chiui la vita
ca chiu sacciu chiu ncocchiu le giuste parole pe sta lirica
cu te fazzu capire ca la musica è puru vera politica
ma ca la politica nu po bessere mai vera musica
perché la politica è come na chianta ca intra la capu se radica
pero' è puru na piovra ca manu manu lu core te ruseca
mentre la musica unisce la capu insieme allu core
e face capire lu veru valore te ogne cosa
cu stu calipso....
Rit.
reggae calipso,ieni,ieni,soca calipso,sciamu,sciamu,pizzica calipso,a quai ,taranta calipso
te la dicu ntorna
reggae calipso,ieni,ieni,soca,soca calipso,sciamu,sciamu,raggamuffin calipso,a quai ,tarantapizzica calipso
moi moi,moi moi
Strofa
ancora ancora
zumpamu,de capu ne sciamu,nu mutu lontanu,ca sempre turnamu
ballamu cussi ne unimu pe quiddrhu ca simu e quiddrhu ca ulimu
amamu nne diertimu cu l'emozioni ca tutti tenimu
e quannu mpnnamu,mpunnamu e benimu tuccamu lu core te ognunu
e allora
tutta la gente cu bene cu zumpa,cu balla,cu se dierte
ca intra la vita ncete chiu gustu quannu lu core forte te batte
de sicuru piìa chiu sensu se la capu a su iddrha riflette
cussi cu ttrei la strada cu faci sempre le cose giuste
la musica pe mie ete la prima
emozione ca la gente avvicina
ogne giurnu,ogne semana
intra sta vita è la strada chiu bona
Rit.
reggae calipso,ieni,ieni,soca calipso,sciamu,sciamu,pizzica calipso,a quai ,taranta calipso
te la dicu ntorna
reggae calipso,ieni,ieni,soca,soca calipso,sciamu,sciamu,raggamuffin calipso,a quai ,tarantapizzica calipso
moi moi,moi moi
Strofa
reggae calipso,soca calipso,ragga calipso,taranta pizzica calipso
zumpa de paru a mie e balla tuttu sfocatizzu
sienti lu ritmu intra de tie ca ieu mpunnu comu nu pazzu
ca quannu ieu lu fazzu me liberu de ogne pregiudiziu
la musica pe mie ete la prima
emozione ca la gente avvicina
ogne giurnu,ogne semana
intra sta vita è la strada chiu bona
Rit.
reggae calipso,ieni,ieni,soca calipso,sciamu,sciamu,pizzica calipso,a quai ,taranta calipso
te la dicu ntorna
reggae calipso,ieni,ieni,soca,soca calipso,sciamu,sciamu,raggamuffin calipso,a quai ,tarantapizzica calipso
moi moi,moi moi |
|
| Torna Indietro |
|
|
|
|
